屋-樹-人分析 - - 例子 (一)

呢幅聽講係某超級明星畫既HTP, 首先睇下佢間屋
細緻到連間屋有破損既地方都表露無遺, 以為佢係好細心
但做屋樹人分析時, 我地就會用另一個角度去睇
之前講過, 「屋」代表家庭、家人及環境，或你在人際關係上溝通的模式。呢間屋既線條好清晰且明顯，而且屋頂是大過屋身，咁表示呢個人係一個現實形既人。
屋有窗有門，係好同正常的，不過要留意既地方，就係佢度門既門把，雖然門係代表願意與人溝通，但而家呢度門係閂左，即表示係「有條件既溝通」，如果當事人唔願意，你休想進入佢間「屋」。


「樹」就代表你對自己形象的潛意識表達，呢棵樹有著「老樹」既感覺，樹根清楚的見到，即表示佢係一個念舊既人，但要留意既係樹上面有「傷痕」，這是代表佢心裡面有個創傷，係一件唔開心既事。

「人」則代表你對社交及人際關係網絡的感受， 呢個人畫係間屋裡面，望住棵樹，亦冇其他人出現係呢幅畫裡面了，可見呢個人喜歡留係屋內，亦代表佢係「想家」既人，佢亦希望自己可以被保護。