兒童心理學 - 今日議題: 到底而家D細路諗乜?

• 最近係網上又好, 係街聽到D阿媽教仔, 總聽到大同小異既對答
  
  媽: 叫左你見到XX(某親戚)就要叫人Auntie XX
  
  仔: 做咩要我叫佢啫, 同佢好熟呀?
  
  ......
  
  媽: 唔好XXX (通常係"唔好搞人地D野啦")
  
  仔/女心諗: 我係要搞呀, 吹咩??
  
  .......
  
  有媽咪話：“我個仔發起脾氣上黎，真係好惡搞，他想吃时就吃，平時最好有人陪佢玩，一行開，佢就勁扭計，嘈到拆天咁，係屋企同係街都係一樣，好鬼肉酸架嘛。
  
  當D阿媽坐埋一齊，都會講同一樣野: 乜而家個仔/女咁難教架??
  
  真係難教, 定係難搞?? 唉, 都唔知邊樣打邊樣囉
  
  坦白講, 小朋友因詞彙有限, 未必可以講到俾你知佢個心點諗, 或其實想你知, 或想你關心佢多D
  
  不過, 只要爸媽明白仔女既內心想法, 對症下葯
  
  咁教小朋友時就會事半功倍了
  
  「一樣百養百樣人」，小朋友都係一樣。個個小朋友既表現都會有D分別，因此解决任性既方法都要根據「人，時，事」去作出適當既調整，最緊要俾小朋友係適當既自由空間中，加入一D你需要既管束原素，以下可提供少許示範:
  
  　　　　1、轉移孩子的注意力。一般而言，小朋友集中注意力既時間比較短，父母可以利用呢個特點去轉移佢地既注意力，改變孩子的任性行為。例如小朋友跟住父母去買野，在商場扭計話要買玩具，賴死唔走。通常媽咪都會話「唔買呀，屋企有咁多玩具/屋企冇位放啦」但佢地都係會唔啋你，繼續扭，或加插一哭二鬧等既戲碼，到個陣D媽咪就「一個頭，兩個大」了。媽咪呢個時候可以話: 「不如媽咪同你坐巴士/船呀？」「嘩，你今日著得咁靚仔/女，不如我地去左XX(商場主題裝飾)先，一陣先再睇，好唔好?」(特別係商場如果做緊卡通人物展) 佢可能好快咁應承你，然後一支箭咁跑去了。
  
  　　　　2、在情緒上表示理解，但在行為上要堅持對小朋友既約束。例如食飯既時候，小朋友會因為今日冇佢鍾意食既餸而唔食飯。呢個時候，媽咪可以平心靜氣咁同佢講，「我明白今日冇你鍾意食既野，但既然已經煮好，就不如等下次先再煮吧。」如果小朋友鬧脾氣唔食既話，其實可以俾佢餓下，等他覺得肚餓時，自自然然就會搵野食架啦。
  
  　　　　3、暫時回避。有時候，小朋友會提出D不合理既要求，係未滿足佢訴求前就會糾纏不休(哈, 大人咪都會係咁...)，呢個時候，父母可以暫時唔理佢，等佢明白哭哭鬧鬧係唔會俾佢成功既，佢自然就會停。當然，事後父母要同小朋友坦誠地溝通，了解佢行為既動機，亦同佢咁樣既吵鬧係唔會讓佢得到佢想要既結果。
  
  　　　　當然，解決孩子任性既方法仲有好多，關鍵在於要培養小朋友既認知同判斷事物既能力。
  
  下次會再分享多D關於小朋友既心理學，記得按我地既專頁再按讚睇我地既分享啦